ស្តាប់លោក ខេមរៈ សិរីមន្ត ច្រៀងបទគ្រោះថ្នាក់ចរាចរណ៍ ក្រោយជួបគ្រោះខ្លួនឯង(វីដេអូ)

លោក ខេមរៈ សិរីមន្ត បាន ច្រៀងចម្រៀងស្តីពីគ្រោះថ្នាក់ចរាចរណ៍មួយបទ ដែលទើបនឹងឃើញគេបង្ហោះលើ Facebook ថ្មីៗនេះ។ យ៉ាងណា ក៏ដោយ គេមិនទាន់ដឹងថា មានចំណងជើងថា ម៉េចទេ ប៉ុន្តែអត្ថន័យនៃបទចម្រៀងនេះ គឺនិយាយសារសព្ទក្នុងន័យអប់រំគ្រោះថ្នាក់ចរចរណ៍ដែលកំពុងតែក្លាយ ជាឃាតករលាក់មុខ ចាំឆក់យកជីវិតប្រជាពលរដ្ឋខ្មែរ រាល់ៗថ្ងៃ។

លោក ឡាយ សុកចំរើន ប្រាប់តាមទូរស័ព្ទអម្បាញ់មិញនេះថា បទចម្រៀងនេះ ជាបទយូរហើយ។ ប៉ុន្តែទោះយ៉ាងណា លោក មិនបានអធិប្បាយបន្តទេ ដោយលោកបានប្រាប់ថា ជាប់រវល់ ហើយក៏បិទទូរស័ព្ទទៅ។

បើទោះនេះជាបទចាស់ ប៉ុន្តែបើធៀបនឹងបញ្ហាគ្រោះថ្នាក់ចរាចរណ៍ ដែលកើតឡើងជារៀងរាល់ថ្ងៃក្នុងប្រទេសកម្ពុជា ទស្សនិកជន នៅតែយល់ថា នេះជាបទចម្រៀងថ្មីមួយដដែល។ ម្យ៉ាងវាកាន់តែថ្មី ខណៈគ្រោះថ្នាក់ចរាចរណ៍ធំៗបានកើតឡើងនាដើមឆ្នាំ ២០១៣ នេះ ក្នុងនោះមានដូចជា ករណី នារីនិស្សិតពេទ្យ បើកឡានបុកក្មេងៗ បណ្តាលឲ្យស្លាប់ និងរបួសជាច្រើននាក់។ ករណី ក្រឡាប់ឡាននៅលើផ្លូវជាតិលេខ ៤ ដែលបានសម្លាប់យុវជន យុវនារី ជាច្រើននាក់ កាលពីបុណ្យចូលឆ្នាំចិន។

ជាពិសេសនោះ គឺករណីគ្រោះថ្នាក់ចរាចរណ៍ របស់ក្រុមការងារលោក ខេមរៈ សិរីមន្ត តែម្តងកាលពីថ្ងៃទី ០៧ មីនា ថ្មីៗនេះតែម្តង ដោយបានបណ្តាលឲ្យមានមនុស្ស ៨នាក់ ស្លាប់ និងរបួស៕