ពុម្ពអក្សរយូនីកូដខ្មែរចេញថ្មីឆ្នាំ 2013 : Kh Katumruy, Kluk និង Kh SN Kampongsom

នៅក្នុងឆ្នាំ 2013 នេះពិតជាពិសេសមែន ព្រោះមានពុម្ពអក្សរយូនីកូដខ្មែរថ្មីៗបានបង្ហាញខ្លួន ដាក់ឲ្យប្រើប្រាស់ជាច្រើន។ ខែមុន (2013) ឃើញមានពុម្ពអក្សរចំនួន 3 គឺ Kh Boeung, Kh Chrung Thom និង Kh Kompong Thom - bunly (Beta) ដែលជាពុម្ពអក្សររបស់លោក និងលោក ប៊ុនលី មើលបន្ថែម ។
ហើយនាពេលថ្មីៗនេះ ខ្មែរយើងទទួលបានពុម្ពអក្សរចំនួន 3 បន្ថែមទៀត ដែលជារបស់លោក ទេព សុវិចិត្រចំនួន 2 គឺ កន្ទុំរុយ និង ត្លុក (និងបានជួសជុលពុម្ពអក្សរ បឹង) មួយទៀតគឺរបស់លោក អ៊ុំ ច័ន្ទសានិត ដែលគាត់ក៏ចូលចិត្តខាងរចនាពុម្ពអក្សរដែរ។

៙ ពុម្ពអក្សរ កន្ទុំរុយ និង ត្លុក របស់លោក ទេព សុវិចិត្រ (TI4UG.net) ៖

ទេព សុវិចិត្រ ៖ ដើម្បីចូលរួមចំណែកធ្វើឲ្យអក្សរខ្មែរនៅលើប្រព័ន្ធឌីជីថលកាន់តែ សំបូរបែប និងដើម្បីបម្រើទៅតាមតម្រូវការមួយចំនួនដូចជាការរចនារូបភាព សៀវភៅ … ខ្ញុំបានឆ្លៀតពេលមួយចំនួនដើម្បីធ្វើពុម្ពអក្សរតាមតែលទ្ធភាពអាច ធ្វើទៅបាន។ ថ្ងៃនេះខ្ញុំបានកែសម្រួលនិងធ្វើរួចនូវពុម្ពអក្សរចំនួនបីមាន ដូចជា ៖

ពុម្ពអក្សរយូនីកូដខ្មែរ កន្ទុំរុយ ជំនាន់ 1.1

ពុម្ពអក្សរយូនីកូដខ្មែរ ជំនាន់ 1.1

ពុម្ពអក្សរយូនីកូដខ្មែរ ជំនាន់ 1.2 (កំណែថ្មី)

៙ ពុម្ពអក្សរ Kh SN Kampongsom របស់លោក អ៊ុំ ច័ន្ទសានិត ៖

អ៊ុំ ច័ន្ទសានិត គាត់គឺជាអ្នកសរសេរប្លកខ្មែរមួយរូបដែរ នៅប្លករបស់គាត់ khmerliteratureforyou ពោរពេញដោយទៅដោយអត្ថបទ អក្សរសាស្ត្រខ្មែរ កំណាព្យ វិញ្ញាសាប្រឡងថ្នាក់វិទ្យា សំនួរចម្លើយ សម្រាប់សិស្សានុសិស្ស រីករាយនឹងការស្រាវជ្រាវ ស្វែងរកចំណេះដឹងបន្ថែម។ គាត់ធ្លាប់បានបង្កើតពុម្ពអក្សររចនាបថដៃខ្វៀក ឈ្មោះថា Khmer SN Kampot កាលពីឆ្នាំ 2011។ ឥឡូវនេះគាត់បានឆ្នៃធ្វើពុម្ពមួយទៀតឈ្មោះថា Kh SN Kampongsom ដាក់ឲ្យប្រើដោយសេរី ៖

ពុម្ពអក្សរ Kh SN Kampongsom

* ចំណាំ ៖ ពុម្ពអក្សរខាងលើទាំងប៉ុន្មាន បើបងប្អូនយកទៅប្រើហើយមានបញ្ហា សូមរាយការណ៍ទៅកាន់ម្ចាស់ពុម្ពអក្សរ ដើម្បីឲ្យគាត់បានដឹង និងកែតម្រូវឲ្យប្រសើរឡើងវិញ។