Audio Director

កាត់តបទចម្រៀងរបស់អ្នកជាមួយកម្មវិធី Audio Director

កម្មវិធី Audio Director គឺជាកម្មវិធីមួយដែលអាចឱ្យអ្នក គ្រប់គ្រងទៅលើបទចម្រៀងបានយ៉ាងប្រសើរ កម្មវិធីនេះមាន Tool ជាច្រើនសម្រាប់អាចឱ្យអ្នកអាចកាត់បទចម្រៀង ទៅតាមចំណង់ចំណូលចិត្តរបស់អ្នក។ តើកម្មវិធីនេះមានសមត្ថភាពអាចធ្វើអ្វីបានខ្លះទៀត?
ជាការពិតណាស់កម្មវិធី Audio Director មិនត្រឹមតែអាចឱ្យអ្នកកាត់តបទចម្រៀងតែប៉ុណ្ណោះទេ វាថែមទាំងអាចឱ្យអ្នកបង្កើត Project សម្រាប់គ្រប់គ្រងទៅលើប្រភេទ Audio និង Video ថែមទៀតផង។

លក្ខណៈពិសេស៖
-ឈ្មោះកម្មវិធី Audio Director
-ទំហំ 231 MB
-ដំណើរការជាមួយ Windows XP/ Vista / 7 / 8

របៀបដំឡើង
-ដំបូងលោកអ្នកត្រូវទាញយកកម្មវិធីនេះ ជាមុនសិន រួចបន្ទាប់មកអ្នកត្រូវដំឡើងកម្មវិធីនេះតាមធម្មតា ។
១. អ្នកត្រូវជ្រើសរើសយកភាសាសម្រាប់ដំឡើង។

២. បន្ទាប់មក វានឹងចាប់ផ្ដើមដំឡើងកម្មវិធីនេះនៅលើម៉ាស៊ីនរបស់អ្នក។

៣. អ្នកត្រូវចុច Next ដើម្បីបន្តដំឡើង បន្ទាប់មកត្រូវរង់ចាំរហូតដល់កម្មវិធីនេះ ដំឡើងចប់។

របៀបប្រើប្រាស់
១. ដំបូងអ្នកត្រូវបើកចូលទៅកាន់កម្មវិធី Audio Director ដែលមាននៅលើផ្ទៃ Desktop របស់អ្នក នោះអ្នកនឹងឃើញមានផ្ទាំងមួយចេញមកដូចខាងក្រោម៖

២. អ្នកត្រូវចុចលើ File => Import Media រួចចុចជ្រើសរើសយកបទចម្រៀងឬ Media ណាមួយដើម្បីបង្កើតគម្រោងថ្មី ឬសម្រាប់កាត់បទចម្រៀងដែលអ្នកពេញចិត្ត។

៣. ក្រោយមកអ្នកនឹងឃើញមាន ផ្ទាំងមួយចេញមកដូចខាងក្រោម៖

៤. រលកសំឡេង Wave ដែលមាននៅខាងលើ គឺជារលកសំឡេងខាងស្ដាំនៃឧបករណ៍បំពងសំឡេង ឯរលកសំឡេង Wave ខាងក្រោមគឺជារលកសំឡេងខាងឆ្វេងនៃឧបករណ៍បំពងសំឡេង។ ដូចនេះអ្នកអាចធ្វើការកំណត់រលកសំឡេងនេះយ៉ាងងាយ ដើម្បីស្ដាប់អ្វីដែលអ្នកបានកំណត់សូមចុចច Space ។

៥. ខ្សែ Line ខាងក្រោមគឺជាការកំណត់សំឡេងសម្រាប់ Wave ខាងលើ ។ អ្នកអាចបង្កើតចំណុច បានច្រើនដោយចុចឱ្យចំលើខ្សែ Line នោះរួចធ្វើការកំណត់វាទៅជាការស្រេច។

៦. សម្រាប់ឯការកំណត់ទៅលើបទចម្រៀងសូមមើលនៅក្នុង Edit ឬ មើលនៅលើ Toolbar ខាងលើដែលមានរូប icon សូមចុចលើ Tool ណាមួយដែលអ្នកចង់កំណត់វាសម្រាប់ចម្រៀងរបស់អ្នក។

៧. នៅក្នុង Adjustment អ្នកក៏អាចកំណត់ទៅលើបទភ្លេងរបស់អ្នកផងដែរ ដោយជ្រើសរើសយក Tool ណាមួយដែលអ្នកពេញចិត្តរួចធ្វើការកំណត់លើវា ។ នៅពេលដែលអ្នកបានកំណត់រួចសូមចុចលើ Apply ដើម្បីរក្សាទុកជាការស្រេច។

៨. នៅទីបញ្ចប់លោកអ្នកប្រាកដជាអាចគ្រប់គ្រងទៅលើបទចម្រៀងដែលអ្នកពេញចិត្តបានយ៉ាងស្រួលជាមួយកម្មវិធី Audio Director នេះ។ ដើម្បីរក្សាទុកបទចម្រៀងដែលអ្នកបានកាត់រួចសូមចុចទៅលើ File => Produce => Produce Audio ជាការស្រេច៕