វិធីបង្កើតនិងរចនារូបភាពស្អាតៗនៅលើ Online

ជាធម្មតាប្រសិនបើលោកអ្នកចង់បង្កើតឬរចនារូបភាពអ្វីមួយលុះ ត្រាតែអ្នកចេះកម្មវិធី Design ជាមុនសិនដូចជាកម្មវិធី Adobe Photoshop ជាដើម តែពេលនេះទស្សនាវដ្ដីវិទ្យាសាស្ត្រកុំព្យូទ័រនឹងបង្ហាញលោកអ្នកនូវ វិធីបង្កើតនិងរចនារូបភាពស្អាតៗហាក់ដូចជារូបភាពវេទមន្តដែលលោក អ្នកទៅថតតាមផ្សារទំនើបអញ្ចឹងដែរ។ តើលោកអ្នកត្រូវអនុវត្តយ៉ាងណាដើម្បីបង្កើតរូបភាពជាមួយនឹង Style ស្អាតៗបាន?

ដើម្បីអាចបង្កើតនិងរចនារូបភាពជាមួយ Style ស្អាតៗបានអ្នកត្រូវអនុវត្តតាមវិធីដូចខាងក្រោម៖
១. ដំបូងអ្នកត្រូវចូលទៅកាន់គេហទំព័រ http://www.photovisi.com/ ជាមុនសិន
២. បន្ទាប់មកអ្នកនឹងឃើញផ្ទាំងវិបសាយថ្មីមួយចេញមក ហើយអ្នកត្រូវចុចលើ Click here to start! ដើម្បីចាប់ផ្ដើម

៣. ក្រោយពេលដែលអ្នកចុចរួច អ្នកនឹងឃើញមានផ្ទាំងមួយសម្រាប់ឱ្យជ្រើសរើសយក Template។ ក្នុងនោះមាន Template ជាច្រើនជាមួយនឹង Style ផ្សេងៗដែលអ្នកពេញចិត្តរួចអ្នកត្រូវ Select លើវា

៤. នៅពេលនោះវានឹងទាមទារឱ្យអ្នកចូលទៅ Register ។ ហើយអ្នកត្រូវបំពេញ User name, Birthday, Email, Password ថ្មី រួចចុចលើ Sign Up Now! ។ អ្វីដែលអ្នកត្រូវធ្វើបន្ទាប់គឺអ្នកត្រូវបើកចូលទៅកាន់ Emailអ្នករួចចុចលើ Link ដែលគេផ្ញើឱ្យដើម្បីបញ្ជាក់ពីការកំណត់នេះ។

៥. ក្រោយពេលដែលអ្នកបានចុចចូល link នោះហើយវានឹងចេញផ្ទាំងមួយដើម្បីបង្ហាញពីដំណើរការ។ អ្នកត្រូវរង់ចាំរហូតដល់វាដំណើរការចប់ទើបអាចដាក់បញ្ចូលរូបភាព ចូលបាន។

៦. ដើម្បីអាចដាក់បញ្ចូលរូបភាពបានអ្នកត្រូវចុចលើ Add items ហើយជ្រើសរើសយក Photos From Computer រួច Browse ទៅរករូបភាពណាមួយដែលអ្នកពេញចិត្ត។ អ្នកអាចដាក់រូបភាពបានលើសពីមួយនៅក្នុង Photo Collage នេះ។ ម្យ៉ាងវិញទៀតអ្នកក៏អាចបញ្ចូលរូបភាពតាមរយៈ Web cam ឬ បញ្ចូល Shape និង Background បានផងដែរ ដោយចុចលើមុខងារវានិមួយៗ។